tgi essan nus

Il benefactur Anton Cadonau (1850–1929), burgheis da Vuorz, ha promoviu e fundau pliras instituziuns ufficialas e privatas ella regiun dalla Surselva sco era sin plaun cantunal. Ins astga bein numnar il spital cantunal ni la gasetta „Casa Paterna“. In interess special haveva Cadonau era pil romontsch, specialmein pil romontsch en baselgia. Per quei motiv ha Cadonau creau ina fundaziun cul num „Fundaziun Anton Cadonau per cultivar il rumontsch sursilvan ella baselgia evangelica dellas valladas renanas.“

Finamira principala da quella fundaziun ei „die Herausgabe romanischer religiöser Bücher, Gesangbücher und Zeitschriften.“ (art. 1)

La Fundaziun Anton Cadonau vegn menada dad ina suprastonza che representa las pleivs reformadas dallas valladas renanas. La suprastonza ei responsabla per tractandar ils fatgs e las incumbensas dalla fundaziun.